Lebih Hebat Dari Kasih Ibu

Hidup sebatang kara... Kagak punya sodara... Demokratis bener hidup ane Bang
"Dramatis" mungkin maksud lo! Emangnya orang tua lo udah kagak ada?

Dari lahir ane udah dibuang ama emak, makanye ane kagak tau kayak gimana Bapak ane Bang
Tragis bener hidup lo, trus sanak sodara lo pada kemana?
Ane dibui jadi aib buat mereka Bang, mana ada nyang mau nrima ane Bang?!

Ya udah, lo kagak usah besedih
Emangnya preman kagak boleh nangis napa?!

Bukannya begitu, masa lalu biarlah berlalu, masih ada hari esok
Jadi harus gimana biar hati ane kagak sedih en kesepian lagi Bang?

Sekalipun emak lo kayak begitu, masih ada nyang lebih sayang ame lo?
Emang ade nyang lebih hebat dari kasih sayang ibu Bang?

Ya ada lah! Emak lo ngebuang lo, tapi Tuhan kagak ngebuang lo
Buktinya apa Bang?
Nah entu... lo kan masih idup ampe skarang!

Emang Tuhan bisa sayang ame kite kayak ibu kite sendiri Bang?
Pastinya, lebih hebat dari ibu lo sendiri !!!

Adakalanya ibu kite ngantuk kelelahan karena seharian ngasuh kite
Tapi Tuhan kagak pernah lelah atawa ngantuk buat ngejagain lo terus

Adakalanya ibu kite harus ninggalin lo karena sesuatu
Tapi Tuhan kagak pernah ninggalin lo sekalipun lo lupa ama Tuhan

Ibu kite akan selalu mencurahkan kasih sayangnya ame kite selama ia masih hidup
Sedangkan Tuhan kagak pernah mati, akan terus ada sekalipun lo udah mati

Kasih sayang Tuhan juga kagak ada ujungnya
Selama lo hidup Tuhan terus mengasihi lo
Setelah lo mati juga Tuhan tetap ngasih lo surga

Jadi lo jangan besedih!
Sekalipun seluruh manusia di dunia ini pada ninggalin lo
Tapi Tuhan tetap bersama lo di mana pun lo berada

Tato Cinta Agama

Waduh, nape lagi?! tu muka ampe bonyok?
Abis digebukin santri bang

Gimana ceritanye?
Hidup ane serba salah bang, orang-orang bawaannya curiga trus ma ane

Emang napa?
Kluar penjara, orang-orang malah buang muke, padahal ane kepengen hidup bener!

Trus lo nyuri, ngerampok gitu?
Ya kagak lah bang sekalipun ane lapar dan miskin kaya begini juga

Trus napa muka lo sampe bonyok gitu?
Biar orang2 percaya ane tobat, makanya badan ane di tato al-Fatihah bang

Pantes klo gitu, lo tau nape sampe santri gebug lo?
Santri kan hamba Tuhan, jadi ane pikir mereka disuruh Tuhan gebug ane

Bukan begito! soalnya lo nato ayat suci di badan lo?
Lah, emang gak boleh preman cinta ame agamanya bang?!

Biar orang-orang gak sinis ame lo, hapus tuh tato, ganti ame "tato" di jidat
Emang hebatnya apaan tuh bang?

Biar orang-orang tau klo lo tuh orang yang banyak sujud ame Tuhan
Ooo... maksudnya ada bekas sujud di jidat ane gitu ya bang?

Bener! trus lo tambah ame "tato" di mata kaki
Waduh apaan lagi ni?

Biar orang-orang tau klo lo tuh banyak zikir
Ooo... maksudnya ada bekas duduk wiridan ya bang?

Bener! nyang terakhir, lo tambahin "tato" di kelopak mata
Rajin begadang?
Biar orang-orang tau klo lo tuh rajin solat tahajud

Nah, klo ane di "tato" kayak gitu, ape orang-orang kagak sinis lagi ma ane?
Emangnya ada nyang berani ngadepin Tuhan klo Tuhan ridho ame lo?

Kagum Dengan Keanehan Tuhan

Bang, ane pikir Tuhan tu aneh!
Nape mang nya?
Tuhan kan kaya, tapi nape ane masih miskin

Justru entu, kite tu harusnya jadi kagum ma Tuhan!
Tu mah kagak adil namanye, ngapain harus kagum bang?

Nyang kasih kite rejeki tu sapa?
Tuhan bang

Nah nyang kasih kite surga karena kite sedekah tu sapa?
Tuhan bang

Hebat kan Tuhan?!
Apanye nyang hebat bang?

Nyang kasih rejeki, Tuhan, nyang nyuruh sedekah, Tuhan, nyang ngasih imbalan surga, Tuhan juga
Klo begitu, Tuhan dapet untungnya dimananya ya bang?

Nah entu dia, Tuhan tu baek banget, sering ngasih kite, tapi kagak ngambil untung dari kite
Wah klo gitu kitenya nyang keenakan ya bang

Makanya jadi manusia jangan kurang ajar ma Tuhan!
Emangnya bisa kite nyakitin Tuhan bang?

Gimana menurut lo klo ada orang nyang dah dikasih kebaekan kayak gitu, trus dia malah mangkir?
Wah kurang ajar tu orang! Kasian Tuhan bang, ampe dizalimi orang kayak gitu!

Sekalipun dizalimi, tetap aje Tuhan ngasih manusia sehat ma harta!
Tuhan penyabar banget ya bang

Itulah nyang bikin gua kagum ma Tuhan
Tuhan aja begitu baeknya, abang juga harus baek ngasih ane duit sekarang

Tuhan Memang Pantas Dikecewain

Ane kecewa ma Tuhan, be'doa siang malem, kagak dikabul juga
Klo Tuhan pinjem milik lo trus kagak dikembaliin, Tuhan memang pantas dikecewain

Tapi ane kagak ngasih pinjeman ma Tuhan, bang
Nah entu, berarti lo nya aja nyang kagak tau malu, tau diri dong!

Ape nyang salah ma diri ane?
Lo ngemis-ngemis minta sesuatu ama nyang Empunya kan?
Bener bang, ampe serak ni tenggorokan

Klo nyang Empunya kagak ngasih, ape hak lo buat kecewa?!
Wajarlah bang, ane minta tapi kagak dikasih

Itu namanya ngerampok Tuhan, maksa-maksa harus dikasih
Amit-amit! klo begitu, ane kagak akan minta-minta lagi deh ma Tuhan

Trus mau dapet darimane kebutuhan hidup lo?
Ya kerja lah bang
Emangnya sehat lo dapet dari depot jamu, ape?!!!

Nah trus ane harus gimana dong bang?
Tuhan entu bukannya kagak ngasih, tapi Tuhan mau ngasih nyang lebih baek dari nyang lo minta. Lo nya aja yang otaknye dangkal, kagak ngarti maksudnya Tuhan!

Gimana caranye biar ngarti bang?
Otak kite tu kecil, jadi perlu waktu buat ngarti! Makanya sabar!

Berarti otak abang lebih kecil dari ane dong!
Lah nape kayak gitu?

Soalnya abang suka marah-marah klo lagi ngajarin ane!
Gimana gak murka, disuruh praktek wudu, lo malah ngintip nyang mandi!

Pegal Leher Pertanda Tuhan Murka

Bang, pegel leher tu pertanda Tuhan lagi murka ma kite bang!
Gimana ceritanye bisa begitu?
Tuhan kan lebih deket dari urat leher

Trus gimana ceritanye ma pemabok?
Tuhan tetap murka lah bang ma orang kayak gitu

Lah tu orang kan jarang pegel leher tapi sering pusing kepala?!
Kepala ma leher tu kan masih deketan bang!

Darimane lu yakin lu sendiri punya urat leher?
Waktu abang nyuruh ane ngangkat ember gede, keliatan kan urat leher ane?

Tuhan nyebut2 "urat leher" itu biar lu paham gimana cara ketemu Dia
Pake kaca?

Tuhan tu sangat dekat tapi kagak bisa dilihat langsung ma mata kite
Ane ngarti! seperti ane kagak bisa ngeliat leher ane sendiri ya bang?

Nah entu dia!
Trus Tuhan ngapain deket-deket gitu bang?

Gua ada di depan muka lu, tapi lu nyuruh orang minta rokok gua
Wah bego itumah bang! haha

Bener! Tuhan itu sangat dekat, jadi ngapain pake perantara
Nah klo ane mau minta sesuatu, trus gimana cara ngomongnya bang?

Ape lu pake pengeras suara klo ngomong ma gua?
Ya ntar klo abang dah bolot

Tuhan dah ngarti sekalipun tidak keluar dari mulut kite
Jadi Tuhan bisa baca hati kita ya bang

Bener! niat buruk atau baik, Tuhan dah tau lah
Klo begitu Tuhan tau niat ane sekarang mau ngutang ke abang ya?
Ya iya lah, Tuhan juga tau niat gua kagak ngasih pinjaman ama lu pade !!!

Keunggulan Punya "Barang" Kecil

"Gimana ya bang biar barangnya suami ane bisa gede?"

"Kagak puas juga?"

"Pria idaman wanita gitu lho"

"Tau bedanya punya laki barangnya gede ame nyang kecil?"

"Pasti bedalah rasanya!!!"

"Laki yang barangnya kecil itu bisa menenangkan ati bininye"

"Napa bisa begitu?"

"Barang kecil bikin laki lu minder, makanya dia kagak punya nyali untuk selingkuh"

"Trus gimana ceritanye bisa muasin bini klo kecil kayak entu?"

"Senggama itu bukan upacara bendera! tapi lantai disko!"

"Banyak begaya maksudnya?"

"Ya bener! Kepuasan bukan semata dari ukurannya doang, banyak cara untuk dapet kepuasan selama kagak di luar batas biar lu bedua dapet barokahnye. Nikmat dapet, pahala dapet! Sorgaaaaaaaaa dunia aherat..."

Minum Gak Minum Sama-sama Ketiban Sial

"Bang, ane dah brenti minum nih, tapi klo jualan arak boleh gak bang?"

"Entu gak ubahnye hidup lo mirip nyamuk"

"Euuuh nyamuk... keren dikit ngape bang!"

"Umpama, ada nyamuk lewat depan muka lo, trus lo ngapain?"

"Ane hajar bang"

"Darimane lu tau nyamuk itu bener-bener nyang ngegigit lo?"

"Dimana-mana nyamuk tu sama aje! Ngapain juga milih-milih nyamuk yang soleh atawa kagak"

"Entu dia... sekalipun nyamuk tu kagak punya salah, tetap aje lo hajar"

"Wajarlah bang, dia ma temen-temennya dah bikin ane malaria"

"Begitu juga dengan minuman keras! mau ikut minum atawa kagak, lo tetap ketiban dosanye"

"Wah Tuhan gak adil klo gitu"

"Membiarkan orang mabok-mabokan, sama aja lo ngasih tempat buat maksiat, nah apalagi jualan arak!"

"Tekor dah ane bang klo ni arak dibuang"

"Klo lo gaul ma tukang minyak wangi, lo pasti kebagian wanginye, tapi klo lo gaul ma tukang knalpot, lo pasti kena asapnya. Selama ade nyang haram di diri lo, selama itu pula lo kagak akan dapet barokah dari langit"

Kagak Ngapa Lu Zinah, Asalkan Tahu Kapan Lu Mati

"Bang, emang orang kayak saya ni masih bisa diampuni ma Tuhan?"

"Emang dosa lu segede ape?"

"Malak orang... tiap hari, bunuh orang? ya makanya saya ngadem sini, klo judi ya jangan sebut lah bang, nah itu dosanya segede ape ya Bang?"

"Waduh, beruntung gua bukan Tuhan!, gua pasti keremes lu, karena pusing mikirin dosa lu pade"

"Walah! jadi dosa ane segitu gedenya?! kagak mungkin diampuni?!"

"Nah itu dia! Lu beruntung punya Tuhan baek banget. Segede apapun dosa lu pade, ampunan Tuhan lu lebih gede lagi, asal lu mau tobat brur!"

"Tapi klo siang ngaji, trus malamnya dia zinah, tu gimana Bang?"

"Lu mau bener atau ngaco, Tuhan kagak maksa, udah jelas kok mana yang bener mana yang kagak bener"

"Apa dia masuk surga Bang?"

"Klo pas siang lu mati, lu masuk surga! Tapi pas malem lu mati, lu masuk neraka!"

"Waduh... gimana ngakalinya Bang?!"

"Yang ngaji masuk neraka, klo kebetulan dia mati pas lagi zinah. Yang zinah masuk surga klo dia mati pas lagi ngaji...

Jadi, boleh-boleh aja lu zinah, asalkan lu tau, kapan lu mati!

Surga Itu Bukan Untuk Preman ataupun Ahli Masjid

"Bang, lebih hebat mana, Preman atau Ahli Masjid ???"

"Lebih hebat Preman yang Ahli Masjid daripada Ahli Masjid yang jadi Preman"

"Kayaknya gak mungkin Bang, ada Ahli Masjid yang jadi Preman"

"Tentu saja ada. Ahli Masjid yang merasa dirinya paling sholeh dan lebih sholeh dari Preman, itulah Ahli Masjid yang jadi Preman."

"Lho bukannya Ahli Masjid itu lebih sholeh dari Preman?"

"Orang Yang Sholeh itu tidak akan pernah sombong!"

"Trus klo Preman yang Sombong, gimana tu Bang."

"Wah itumah celaka dunia akhirat!"

"Emang Preman boleh masuk surga Bang?"

"Gak boleh! karena di surga itu tidak ada preman!"

"Wah berarti surga cuman buat Ahli Masjid ya Bang?"

"Gak boleh juga! karena di surga itu cuma buat orang-orang yang sholeh"

"Maksudnya Preman yang sholeh dan Ahli Masjid yang Sholeh boleh masuk surga Bang?"

"Ya benar."

"Trus gimana bentuknya Ahli Masjid yang Sholeh itu Bang?"

"Ahli Masjid yang selalu ngajak Preman untuk sholat di masjid, itulah Ahli Masjid yang Sholeh."

"Trus seperti apa Preman yang Sholeh?"

"Preman yang pengen bisa sholat dan ngaji seperti Ahli Masjid, itulah Preman yang Sholeh."

"Jadi menurut Abang, lebih enak mana, Preman yang sholeh atau Ahli Masjid yang sholeh?"

"Gak ada yang enak dua-duanya juga! yang enak cuma di surga!"

"Wah klo gitu ngapain jadi sholeh dong Bang?!"

"Lu milih enak hidup di dunia, lu kagak akan punya jatah di surga. Jadi klo kepengen dapat enaknya surga, lu harus siap-siap tidak enak hidup di dunia!"

"Bingung juga milihnya ya Bang"

"Kagak perlu bingung... Preman yang Sholeh itu punya NYALI AKHIRAT! Ia tidak takut dengan ujian hidup di dunia demi dapet surga."

Barangsiapa yang menghendaki kehidupan dunia dan perhiasannya, niscaya Kami berikan kepada mereka balasan pekerjaan mereka di dunia dengan sempurna dan mereka di dunia itu tidak akan dirugikan. Itulah orang-orang yang tidak memperoleh di akhirat, kecuali neraka dan lenyaplah di akhirat itu apa yang telah mereka usahakan di dunia dan sia-sialah apa yang telah mereka kerjakan. [Q.S. Huud 11:15-16]

Ah Cetek Itumah !!!

NGAPAIN MAKSIAT ?!
Ampun dah hari gene masih maksiat?!
Ntar aja di surga, ceweknya aja perawan terus, banyak pula
bisa dipoligami sepuasnya!

NGAPAIN TELER ?!
Ampun dah hari gene masih teler?!
Ntar aja di surga, sungainya aja dari Khamr!

NGAPAIN KORUPSI ?!
Ampun dah hari gene masih korupsi?!
Ntar aja di surga, bebas korupsi sepuasnya seluas langit dan bumi!


KLO EMANG TUAN CERDAS SEPERTI KATA ORANG...
NGAPAIN NGEJAR NYANG CETEK KLO NYANG BESAR AJA LEBIH ENAK !
MALU TUH MA UMAR !
BIAR MUKA PREMAN TAPI HATI MASJID !